༄༅། བཞུགས་སྒར་བོད་ཀྱི་དཔེ་མཛོད་ཁང་ནས་དཔེ་བསྐྲུན་དང་། བོད་གཞུང་གི་གཞུང་ཞབས་ལས་ཐོག་པ་རྩོམ་པ་པོ་ཆུང་ཚེ་རིང་ལགས་ནས་བོད་བསྒྱུར་གནང་བའི་ ཕ་ཡུལ་གྱི་ཕན་བདེའི་ཆེད་དུ་ ཞེས་པའི་མཁས་དབང་བཀྲིས་ཚེ་རིང་ལགས་ཀྱི་མི་ཚེའི་ལོ་རྒྱུས་དེབ་འདི་བཞིན་ད་ཆ་དངོས་སུ་བོད་ཡིག་ཐོག་དཔར་བསྐྲུན་ཟིན་ཡོད་འདུག དཔེ་དེབ་འདིའི་ནང་དོན་གཙོ་བོར་ཐུན་མོང་མ་ཡིན་པའི་རིན་ཐང་གཅིག་ཡོད་པ་ནི། བཀྲིས་ཚེ་རིང་ལགས་ཀྱི་མི་ཚེའི་ནང་གང་བྱུང་བའི་གནས་ཚུལ་རྣམས་ཡག་ཉེས་དང་བཟང་ངན་ཚང་མ་ཇི་མ་ཇི་བཞིན་དུ་འགོད་ཐབས་བ྄ྱས་ཡོད་པ་དེ་ཡིན་པ་དང༌། དེབ་འདིར་ཁྱོན་ལེའུ་བཅུ་བཞིར་དབྱེ་འདུག་པ་དང༌། ལྷན་ཐབས་སུ་བཀྲིས་ཚེ་རིང་ལགས་ནས་སྔ་རྗེས་བོད་ཀྱི་སྐད་ཡིག་ཡར་རྒྱས་གཏོང་ཕྱོགས་སྐོར་སོགས་ལ་རྒྱ་ནག་གཞུང་ལ་ཕུལ་བའི་སྙན་ཞུ་ཁག་ཟུར་བཀོད་ཞུས་འདུགབཀྲིས་ཚེ་རིང་ལགས་ནི་དེ་སྔ་བཙོན་དུ་ཚུད་མྱོང་ཡོད་པ་མ་ཟད། རྒྱ་གར་དང་རྒྱ་ནག ཨ་རི་སོགས་སུ་སློབ་གཉེར་གནང་མྱོང་མཁན་ཞིག་ཡིན་ཅིང༌། བོད་དུ་ཕྱིར་ལོག་རྗེས་བོད་ལྗོངས་སློབ་གྲྭ་ཆེན་མོའི་དབྱིན་ཡིག་ཚན་ཁག་གི་སློབ་དཔོན་ཟུར་པ་ཞིག་ཡིན་པ་དང༌། ལས་འཁྱུར་ཞུས་རྗེས་གཞིས་རྩེ་དང་སྟོད་ཁུལ། གདམ་གཞུང་། ལྷོ་ཁ་སོགས་སུ་སློབ་གྲྭ་ཧ་ཅང་མང་པོ་གསར་རྒྱག་དང་། སློབ་གྲྭ་ཁག་ཅིག་ལ་མཐུན་རྐྱེན་སྦྱོར་སྤྲོད་བྱས་ཏེ་བོད་ཀྱི་སྐད་ཡིག་རིག་གཞུང་ཐོག་བྱས་རྗེས་རླབས་པོ་ཆེ་འཇོག་གནང་མཛད་མྱོང་ཡོད་པ་མ་ཙམ་དུ་མ་ཟད། ཁོང་གི་བརྩམས་ཆོས་རྩེ་ཕུད་གྲས་དབྱིན་བོད་རྒྱ་གསུམ་ཤན་སྦྱར་གྱི་ཚིག་མཛོད་ནི་བོད་ཕྱི་ནང་གང་སར་སྐད་གྲགས་ཤིན་ཏུ་ཆེ་བའི་ཚིག་མཛོད་ཞིག་ཡིན་པ་དང༌། དེ་མིན་གྱི་བརྩམས་ཆོག་ཁག་མང་དག་ཞིག་ཡོད་འདུག་ ད་ྟའ་ཆར་དབྱིན་བོད་རྒྱ་གསུམ་གྱི་ཤན་སྦྱར་ཚིག་མཛོད་ཚིག་འགྲེལ་དང་བཅས་པའི་གློག་རྩུལ་ཚིག་མཛོད་ཅིག་མི་འགྱངས་པར་རྒྱལ་སྤྱིའི་ཁྲོམ་རར་འདོན་འཆར་ཡོད་འདུག ༎ གོང་གསལ་བོད་བསྒྱུར་བྱས་པའི་དཔེ་དེབ་འདིར་ཁྱོན་ཤོག་གྲངས་ 382 དང་། རིན་སྒོར་ 300 ཐོག་བཞུགས་སྒར་བོད་ཀྱི་དཔེ་མཛོད་ཁང་ནས་སྤུས་ཚོང་གནང་གཏན་འཁེལ་འདུག
No comments:
Post a Comment
please write here .....