Friday, December 11, 2009

གསར་བརྗེ་ཞེས་པའི་དཔེ་དེབ་དབུ་འབྱེད།

གསར་བརྗེ་ཞེས་པ་པེ་ཅིང་དུ་གནས་སྡོད་བོད་རིགས་རྩོམ་པ་པོ་ཚེ་རིང་འོད་ཟེར་ལགས་ནས་རྒྱ་ཡིག་ཐོག་བརྩམས་གནང་བའི་དཔེ་དེབ་འདི་བཞིན་ཨ་རིའི་ཨེ་ཤ་ཡ་རང་དབང་རླུང་འཕྲིན་ཁང་གི་གཏམ་གླེང་ཞལ་དཔར་གཙོ་སྐྱོང་བ་སྒྲོལ་ དཀར་ལགས་ནས་བོད་ཡིག་ཐོག་ཕབ་བསྒྱུར་གནང་བ་དང༌། ནོར་ཝེ་བོད་དོན་ལྷན་ཚོགས་ནས་དཔར་བསྐྲུན་མཐུན་འགྱུར་ཞུས་པ་ལྟར། ཁ་ས་ཟླ་ 12་ ་ཚེས་ 10་ཉིན་བཞུགས་སྒར་རྡ་རམ་ས་ལར་དབུ་འབྱེད་གནང་ཡོད་ཅིང༌། བོད་ཡིག་དེབ་འདིར་ཁྱོན་ཤོག་ངོས336 ཡོད་འདུག་པ་དང༌། དཀར་ཆག་ཁག་ནི་འདི་ལྟར་སྟེ། བོད་ཡིག་དཔར་གཞིའི་སྔོན་གླེང་། སྒྱུར་པ་པོའི་སྔོན་གླེང་། པར་སྐྲུན་ཆེད་བརྗོད། སྔོན་གླེང་(ཝང་ལིད་ཞུང་)་ ཀ་ བོད་རྙིང་པ་འདི་ཐེར་ཚལ་སྦར་ཚལ་བཟོས་པ། གསར་བརྗེ་སླེབས་ལ་ཉེ་བ། ལྷ་ལྡན་གཙུག་ལག་ཁང་གཏོར་བ། ལྷ་འདྲེ་གདོན་བགེགས་ལ་འཐབ་འཛིང་བཏང་བ། མིང་གསར་པ་ བརྗེ་བ། ཁ་ གྱེན་ལོག་པའི་ནང་འཁྲུག གྱེན་ལོག་ཤོག་ཁ་ཆེ་བ་གཉིས། ག འབྲུག་གངས་ལྗོངས་སུ་གནས་པ། དམག་དོན་བཀག་སྡོམ། དམངས་ཡོངས་དམག་མི་ཆགས་པ། ང་ མའོ་ཡི་བོད་གསར་པ། གསར་བརྗེ་ཨུ་ཡོན་ལྷན་ཁང་། མི་དམངས་སྤྱི་ཁང་། ལྷག་གསར་པ་བཟོས་པ། ཅ་ མཇུག་བསྡུའི་གཏམ འཇིག་རྟེན་གྱི་འཁོར་བ། བཅས་སུ་དབྱེ་ཡོད་པ་རེད། བོད་ཡིག་དཔེ་དེབ་འདི་བཞིན་ནོེར་ཝེ་བོད་དོན་ལྷན་ཚོགས་ནས་བོད་ནང་དང་བོད་མི་གནས་ཡུལ་གྱི་སློབ་གྲྭ་དང་། དགོན་སྡེ། གཞིས་ཆགས་ཁག་ཏུ་རིམ་པས་འགྲེམས་སྤེལ་བྱ་འཆར་ཡོད་སྐོར་དེ་སྔའི་དོན་གཅོད་ཟུར་པ་ཆུང་བདག་ཀོ་རན་ལགས་ནས་གསར་འགྱུར་བརྒྱུད་ལམ་ཁག་གི་ཐོག་གསལ་བཤད་གནང་ཡོད་པ་རེད༎